Во последниот меч од осмата недела, Канзас Сити Чифс ги поразија Њујорк Џајантс со 20-17 што претставува нивен прв меѓусебен триунф после 2013.
Мечот започна со две пресечени додавања, по едно и на двете страни, после кои следуваше серијата од 14-10 на Канзас Сити за предност на полувреме.
Со првата акција во четвртата четвртина, Џајантс поведоа со 14-17, но до крајот, двата филд-голови на Харисон Баткер го одредија победникот.
Освен Баткер, за Чифс поентираа Тајрик Хил и Дерик Гор, предводени од квотербекот Патрик Махоумс, кој освои 275 јарди од 29/48 прецизни додавања.
Водачот на Џајантс, Даниел Џонс, помина 222 јарди од 22/32 обиди за додавање, уфрлувајќи и два тачдауни кон Кајл Рудолф и кон Иван Инграм.
Во наредното коло, Чифс ќе се обидат да поврзат две победи за првпат сезонава против Грин Беј Пекерс, а Џајантс ќе имаат слободен викенд.
Во Националната конференција, ,,Сините” од Њујорк (2-6) го заземаат четиринаесеттото место, додека Канзас Сити (4-4) е единаесетти тим во Американската конференција.
Во соработка со НФЛ Македонија
