Од денес, единствен тим без победа во новата НХЛ сезона е Аризона Којотес, поради фактот дека неговите досегашни придружници, Чикаго Блекхокс, успеаја да добијат меч.
Имено, синоќа, на домашен терен, претставниците на Илиноис ги поразија Отава Сенаторс со резултат од 5-1.
После две третини, Брендон Хагел и Патрик Кејн погодија по еднаш за водство на Чикаго од 2-0.
Третиот период започна на фуриозен начин и веќе после сто секунди игра во него, на семафорот стоеше 4-1.
Горенаведените хокеари на Блекхокс уште еднаш ја затресоа мрежата на Мет Мареј, а единствениот погодок на Отава го постигна Алекс Форментон.
До крајот, конечниот резултат во корист на домаќините го постави Патрик Кејн, кој воедно го комплетира и својот хет-трик.
Веднаш после натпреварот и двете екипи ја заземаат претпоследната петнаесетта позиција во своите конференции.
