Јута Џез стана првата екипа во новата НБА сезона што стигна до бројка од дваесет победи. Претставниците на Солт Лејк Сити имаат неверојатна низа од шеснаесет триумфи на последните седумнаесет средби.
Синоќа, Џез беа подобри од Бостон Селтикс на домашен терен со резултат од 122-108.
Бостон имаше предност само во првите петнаесет минути игра, а во продолжение, на теренот доминираа кошаркарите на Џез.
Накрај, најефикасен со 36 поени беше Донован Митчел (Јута), а неговиот соиграч, Руди Гобер, додаде дабл-дабл учинок од 18 поени и од 12 скокови.
Кај Бостон, Џејлен Браун и Џејсон Тејтум беа најпрецизни кошаркари со 33, односно со 23 постигнати поени.
На табелата, Јута (20-5) сè уште го држи првото место на Западот, додека Бостон (12-11) го зазема четвртото место на Истокот.
📸 Brian Babineau/NBAE via Getty Images