Во досегашната деветгодишна сениорска кариера, Јасмин Флури има само една победа и едно второ место во Светскиот куп во алпско скијање.
Сепак, на Светското првенство во спуст во Мерибел (Франција), Швајцарката (1:28,03) триумфираше и се здоби со првата титула ,,светски првак” во својот живот.
На второто место заврши Нина Ортлиб (+0,04), која го доби својот прв медал од СП, додека бранителката на титулата, Корин Сутер (+0,12), се закити со бронза.
Четвртата позиција ја поделија Мирјам Пухнер и Корнелија Хитер (+0,37), а под половина секунда доцнеше уште Илка Штухец (+0,42).
Поради грешката во завршницата, најголемата фаворитка, Софија Гоџа, доживеа дисквалификација и остана без пласман.
