Налетот на Анахајм Дакс од осум триумфи во низа беше прекинат синоќа во домашниот ,,Хонда Центер”.
Имено, во градот од Калифорнија, како победници излегоа Каролина Хурикејнс, кои триумфираа со резултат од 1-2.
Уште во петтата минута, водство на гостите им донесе Итан Бер со својот дебитантски погодок во новата средина.
Неполни седум минути подоцна, најдобриот поентер на Анахајм, Трој Тери, донесе израмнување за својот тим.
Бројките на семафорот останаа непроменети сè до средината на третата третина, кога Сет Џарвис по вторпат ја затресе мрежата на Џон Гибсон.
Со 31/32 одбранети шутеви (96,88%), важна улога во триумфот на Каролина имаше и голманот Фредерик Андерсен, кој беше на прагот од вториот овосезонски шут-аут.
Новите два поени ги искачија Хурикејнс на втората позиција во Источната конференција, додека Дакс паднаа на третото место на Западот.
