Сан Антонио Спарс го запишаа четвртиот пораз во низа, откако загубија со 115-90 од Минесота Тимбервулвс.
Уште во првата четвртина, домаќините стекнаа предност од +20, која ја држеа до самиот крај, иако Спарс намалија на само седум разлика во два наврати.
Најзаслужни за победата на Тимбервулвс беа Карл-Ентони Таунс и Д’Анџело Расел, кои постигнаа по 25, односно по 22 поени.
На спротивната страна, најефикасен беше Девин Васел (18), а по него следуваа Келдон Џонсон (12) и Лони Вокер (12).
Со новиот триумф, Минесота (6-9) скокна на дванаесеттото, оставајќи го Сан Антонио (4-11) на тринаесеттото место во Западната конференција.
