Детроит Пистонс го запишаа дванаесеттиот пораз на домашен терен, откако синоќа загубија со 107-116 од Хјустон Рокетс.
Во текот на цел меч, со исклучок на воведните минути, Рокетс имаа двоцифрено водство, а Пистонс успеаја да ја намалат негативата на само -7 во два наврати.
Кај домаќините, Кејд Канингем постигна дабл-дабл од 21 поен и од 11 асистенции, а уште 23 кошеви уфрли Садик Беј.
На спротивната страна, две двоцифрени статистики имаше Кенјон Мартин Џуниор (10 поени и 11 скокови), а најефикасни беа Кристијан Вуд (21) и Ерик Гордон (18).
Со новата победа, Рокетс (10-20) се тринаесетти на Западот, додека Детроит (4-24) остана на последното место во Источната конференција со најслаб учинок во цела лига.
