Во четвртото финале од последните шест МЛБ сезони, Хјустон Астрос дојдоа до втората титула во историјата на франшизата.
Имено, Астрос се закитија со нов наслов, откако ги совладаа Филаделфија Филис со вкупни 4-2, при што, резултатот од шестиот натпревар гласеше 4-1.
Сите поени на мечот, одигран на ,,Минут Мејд Парк”, беа постигнати во шестиот ининг.
Најпрво, водство на гостите од Пенсилванија им донесе Кајл Шварбер со својот осми хоум-ран во плејофот.
Сепак, со иста мера за Хјустон возврати Јордан Алварез, а по четири бази освоија Хозе Алтуве,Џереми Пења и Алекс Брегман.
За победничкиот состав, одлична партија пружи и стартниот фрлач, Фрамбер Валдез, кој освои девет страјк-аути.
На патот до круната, Астрос имаа само два порази од Филис, а пред тоа ги елиминираа Сиетл Маринерс (3-0) и Њујорк Јенкис (4-0).
За градот Филаделфија, ова беше тешка ноќ бидејќи, освен Филис, пораз во финалето на МЛС после пенали од Лос Анџелес ФК запиша и Филаделфија Унион.
