Првиот меч од шеснаесеттото коло на турската одбојкарска Ефелер лига беше градското дерби на главниот град – Анкара.
Имено, во вториот меѓусебен дуел во сезоната, Халкбанк го порази Спор Тото со вкупни 1-3.
Избраниците на Танер Атик ја оправдаа фаворитската улога со резултат, кој по сетови гласеше 20-25, 18-25, 25-22 и 21-25.
Од победничките редови, двоцифрен поентерски учинок имаа Нимир Абдел Азиз (23) и Никола Бруно (17).
На спротивната страна, номиналните домаќини, ја базираа целата офанзива на Божидар Вучичевиќ, кој го заврши мечот со дваесет и седум поени.
Засега, двете екипи имаат натпревар повеќе во однос на конкурентите и ги задржаа своите позиции на табелата со тоа што Спор Тото е осми, а Халкбанк е лидер.
