Натпреварувачкиот викенд во Кицбил (Австрија), од машкиот Светски куп во алпско скијање, беше отворен со седмиот овосезонски спуст.
Имено, на патеката ,,Штрајф”, најбрз беше Винсент Крихмајер (1:56,16), кој дојде до третиот триумф во сезоната.
Негова најголема опасност беше Александер Омодт Килде (+0,97), кој поради грешка во самиот финиш не го презеде водството и мораше да се задоволи со шеснаесеттото место.
Сепак, најголемото изненадување го направи Италијанецот Флоријан Шидер (+0,23), кој го освои првиот подиум во кариерата, заземајќи го второто место со стартен број 43.
На третото место се пласираше Нилс Хинтерман (+0,31), а во првите петмина завршија уште Џеред Голдберг (+0,35), Доминик Парис и Адријан Смисет Сејерштед (+0,39).
