За првпат после еден месец, екипата на Хал Сити успеа да запише триумф во рамките на англискиот Чемпионшип.
Имено, во увертирата на триесет и петтото коло, ,,Тигрите” го совладаа ВБА со 2-0 и дојдоа до првата меѓусебна победа после 2018.
Гостите од околината на Бирмингем беа подобар ривал на теренот, но им недостигаше добра завршница, пред сè оневозможена од домашниот голман, Карл Дарлоу, кој имаше шест одбрани.
Во првото полувреме, предност на Хал му донесе Бенџамин Тетех (33′) со дебитантскиот погодок во англискиот фудбал, а водството го удвои Дара О’Шеј (57′) со автогол во вториот дел.
На табелата, Хал скокна на тринаесеттото место, додека ВБА ја зазема единаесеттата позиција.
