Иако ја започнаа сезоната со учинок од 3-1, Грин Беј Пекерс загубија седум од осумте наредни натпревари.
Сепак, во тринаесеттото коло, претставниците на Висконсин дојдоа до четвртиот овосезонски триумф, совладувајќи ги најголемите ривали, Чикаго Берс, со 19-28.
За ,,Мечките”, ова беше осми последователен меѓусебен пораз и вкупно шеста загубена партија по ред.
Од друга страна, за Грин Беј, ова беше 787. триумф во регуларната сезона на НФЛ што претставува нов рекорд во ова натпреварување.
Во втората четвртина, ситуацијата беше наклонета во корист на домаќините, кои водеа со 16-3, но беа потполно надиграни во продолжение.
За Чикаго, квотербекот Џастин Филдс имаше две пресечени додавања, но освои вкупно 325 јарди и истрча за еден тачдаун заедно со Дејвид Монтгомери.
Кај Пекерс, Арон Роџерс имаше 182 јарди од 18/31 прецизни обиди, а тачдауни постигнаа Еј Џеј Дилон и Кристијан Вотсон (х2).
Во Националната конференција, Грин Беј (5-8) скокна на десеттото место, додека Чикаго (3-10) остана на последната позиција.
