Во градското дерби на Сиднеј, одиграно во седмото коло од тековната АФЛ сезона, ГВС Џајантс ги совладаа Свонс со (16.10) 106-107 (17.5).
За Џајантс, ова беше четиринаесетти меѓусебен триумф и воедно прв после две години, кој ги издигна на единаесеттото место на табелата.
Од друга страна, Свонс загубија по четврт пат сезонава и останаа на десеттата позиција.
На мечот, Свонс ја добија третата четвртина со 40-18 и во два наврати во последниот квартал имаа +24 на своја страна.
Сепак, во финишот, номиналните гости направија победничка серија од 26-1, предводени од Тоби Грин (4.0), кој воедно постигна гол во завршната минута за триумф на својот тим.
Освен Грин, двоцифрен поентерски учинок кај ГВС имаа уште Хари Перимен (3.0), Ксавиер О’Халоран (2.1), Џеси Хоган (2.0) и Стивен Кониљо (2.0).
На спротивната страна, најефикасни во нападот, со остварен хет-трик, беа Логан МекДоналд (3.0), Вил Хејвард (3.1) и Ленс ‘Бади’ Френклин (3.2).
