Синоќа, Јута Џез ја запишаа петтата меѓусебна победа во низа над Шарлот Хорнетс, поразувајќи ги со 112-102.
Хорнетс поведоа со 0-2, по што следуваше серија од 15-0 на Јута за преземање на двоцифрено водство уште во првата четвртина.
Сепак, гостите се вратија во игра во последниот квартал, кога поведоа со 91-92, но, до крајот, домаќините повторно ја презедоа контролата во свои раце.
Најефикасните играчи од домашниот состав имаа по 23 поени – Бојан Богдановиќ и Руди Гобер (21 скок).
На спротивната страна, дабл-дабл постигнаа ЛаМело Бол (21 поен и 11 асистенции) и Мајлс Бриџес (21 поен и 11 скокови).
Јута (21-9) го зазема третото место на Западот, додека, во Источната конференција, Шарлот (16-17) е осмопласиран.