Голден Стејт Вориорс се првите финалисти на тековната НБА сезона, елиминирајќи ги Далас Маверикс во полуфиналето со 4-1.
Во петтиот меѓусебен натпревар, Вориорс го искористија домашниот терен и триумфираа со 120-110.
На мечот, домаќините водеа непрестано, а единствениот поволен резултат до кој дојде Далас беше само 2-2.
Од победничките редови, Ендру Вигинс (18 поени и 10 скокови) направи дабл-дабл, а Клеј Томпсон уфрли 32 поени.
Кај Далас, најефикасен кошаркар на паркетот беше Лука Дончиќ со 28 кошеви.
Во финалето, Голден Стејт ќе се соочи со победникот од дуелот помеѓу Бостон Селтикс и Мајами Хит.
