После двата неочекувани порази од Пенрит Пантерс (6-32) и од НК Каубојс (6-36), Мелбурн Сторм се вратија на победничките патеки.
Имено, во дванаесеттото коло од тековната НРЛ сезона, Сторм беа подобри од Манли Си Иглс со 28-8.
Двете полувремиња се одвиваа практично по ист тек со тоа што Мелбурн правеше серии од 12-0 и од 16-0, а гостите поентираа последни пред звукот на сирената.
По еден есеј од составот на Си Иглс постигнаа Хорхе Тауфуа (37′) и Кристијан Туипулоту (67′).
Од победничките редови, Ник Мини погоди 4/5 конверзии, а топката во противничката енд-зона ја внесоа Камерон Манстер (6′, 56′), Крис Луис (30′), Ксавиер Коутс (42′) и Кенет Бромвич (65′).
На табелата, Мелбурн и понатаму остана на втората позиција, додека Манли го зазема десеттото место.
