Франција успешно ја помина првата пречка кон одбраната на светската титула, откако во првото коло од групата Д ја декласира Австралија со 4-1.
На мечот, Австралијците влегоа на поубедлив начин и поведоа со голот на Крег Гудвин (9′), но во продолжение доживеаја потполен распад.
До крајот на првиот дел, Франција направи пресврт, а во второто полувреме додаде уште два погодоци.
Двоен стрелец за ,,Триколорите” беше Оливие Жиру (32′, 71′), кој со 51. погодок во репрезентативниот дрес го израмни рекордот на Тиери Анри.
Освен напаѓачот на Милан, по еднаш реализираа уште Адриен Рабио (27′) и Килијан Мбапе (68′).
Со овие три поени, Франција го презеде првото место пред Данска и Тунис, кои претходно ремизираа со 0-0.
