Ракометарите на Еурофарм Пелистер го запишаа вториот пораз во Европската лига на ЕХФ, откако во салата „Боро Чурлевски“ загубија од Фуксе Берлин со високи 34-43 (14-22). Избраниците на Ларс Валтер парираа на стартот, меѓутоа расположениот ривал се одлепи пред паузата, а во продолжението само ја потврди победата во Битола.
Пешевски со 8 голови беше најефикасен во тимот на Еурофарм Пелистер, пред Радовиќ со 6 и Танкоски и Костески со по 5 голови. Кај гостите прво име беше крилото Вујовиќ со 9 гола.
