Флорида Пантерс го загубија првото место во Источната конференција, откако синоќа беа поразени од Сиетл Кракен со 1-4.
За двете екипи, ова беше прв меѓусебен дуел во историјата, кој му овозможи на Сиетл да скокне на четиринаесеттата позиција на Западот.
Во третата минута, Џордан Еберле го отвори резултатот, стрелајќи во пауер-плеј ситуација за почетно водство на Сиетл.
Сепак, предноста беше анулирана пет минути подоцна, кога Патрик Хорнквист го совлада Крис Драјџер.
Канадскиот голман на Кракен имаше 33/34 одбранети шутеви (97,06%) и одигра важна улога во победата на својот тим.
До крајот на првата третина, Рајан Донато го врати резултатскиот суфицит на гостите, а Еберле, со вториот гол на мечот, зголеми на 1-3 во третата третина.
На три и пол минути пред крајот на мечот, кога Пантерс играа со празна мрежа, Џејми Олексијак го постави конечниот резултат со првиот гол во новата средина.
