Феникс Санс ги искористија првите два домашни натпревари и поведоа со вкипни 2-0 во финалето против Милвоки Бакс.
Синоќа, претставниците на Аризона ги добија гостите од Висконсин со резултат од 118-108.
Мечот беше релативно изедначен, но клучна беше втората четвртина што Санс ја добија со 30-16.
Кај Феникс, Девин Букер, со 31 кош, одигра солидна партија, додека дабл-дабл запишаа Џеј Краудер (11 кошеви и 10 скокови) и Деандре Ејтон (10 кошеви и 11 скокови).
Од редовите на Бакс, Јанис Антетокумбо беше единствен со дабл-дабл учинок од 42 поени и од 12 скокови, додека втор најефикасен кошаркар беше Џру Холидеј со 17 поени.
