Болцано Фоксес изборија полуфинале на хокеарската ИЦЕ Лига, откако во ,,мајсторката”, после продолжение, славеа над Линц со 3-2.
Сцените во ,,Ајсвеле” во северна Италија беа фантастични, а за тоа, најмногу придонесе Дастин Гезли.
Американецот, најпрво, на шест минути пред крајот, стрелаше за 2-2, односно за продолжение, а во дополнителниот период погоди за победи после четириесет и четири секунди.
Последните голови во сезоната за Линц ги постигнаа Логан Роу и Андреас Кристлер, а во меѓувреме, за домашниот состав реализираше уште Лука Фриго.
Во полуфиналето, Болцано, како првопласиран од регуларниот дел, ќе ги одмери силите со шестопласираните Виена Капиталс.
https://www.instagram.com/reel/CqESGN7IvNC/?igshid=YmMyMTA2M2Y=
