Милвоки Бруерс синоќа го одиграа својот најквалитетен меч во сезоната и на тој начин дојдоа до осмата победа во низа.
Имено, ,,Пиварите” ги добија Чикаго Кабс со 15-7 и им го нанесоа шестиот последователен пораз.
Во првиот ининг, Кабс поведоа со навидум убедливи 0-7, искористувајќи го ужасното деби на фрлачот на Бруерс – Арон Ешби.
За составот од Чикаго, по четири бази освоија Вилсон Контрерас, Патрик Висдом, Џок Пидерсон, Хавиер Баез, Џејк Марисник, Серхио Алкантара и Џејк Ариета.
Веќе после четвртиот ининг, домаќините направија целосен пресврт и стекнаа двојна предност од 14-7.
Најпрво, во првите два периоди, хоум-ран забележа Луис Уријас, а со трчање поентираа Кристијан Јелич, Мигел Санчез, Вили Адамес, Омар Нарваез и Тајрон Тејлор.
Четвртата деветтина беше пресвртна точка на пресметката, особено поради грен-слемот на Адамес, кој беше прв за Бруерс во тековната сезона.
Освен него, поентираа гореспоменатите Тејлор и Уријас, заедно со Џејс Питерсон, со Кестон Хиура, со Џеки Бредли Џуниор и со Тревор Ричардс.
Конечниот резултат го постави Уријас, со својот втор хоум-ран на мечот, односно десетти во сезоната.
Со новата победа, Милвоки (48-33) се израмнија на третото место на Националната лига со Сан Диего Падрес, додека Кабс (42-39) ја заземаат шестата позиција.
