На првиот меѓусебен меч во историјата, Анахајм Дакс ги поразија Сиетл Кракен со убедливи 4-7.
Синоќа, ,,Патките” од Калифорнија докажаа дека можат да бидат ефикасни против истиот ривал со триумфот од 4-1, притоа постигнувајќи погодок со секој шести шут (4/24 шутеви, односно 16,67%).
Заклучно со втората минута од втората третина, Анахајм имаше предност од 3-0, стекната преку Тревор Зеграс, Дерек Грант и Трој Тери.
До истекот на четириесеттата минута, Кракен успеаја да го намалат својот дефицит, благодарение на Рајан Донато.
Во средината на третиот период, Дакс го поставија конечниот резултат, откако во листата на стрелците се запиша Сем Керик, кој претходно доби две дисциплински казни од по две минути.
Во Западната конференција, Анахајм скокна на второто место, додека Сиетл ја зазема претпоследната петнаесетта позиција.
