Првиот викенд од Светскиот куп во санкање на вештачки патеки, одржан во Инсбрук, беше затворен со машката индивидуална трка и со четирите спринтови.
На првата трка, домашната селекција направи целосна ,,чистка”, заземајќи ги сите три позиции на подиумот преку Нико Глајршер (1:39,238), Волфганг Киндл (+0,044) и Јонас Милер (+0,095).
Од останатите санкачи, под половина секунда доцнеа само уште двајца, односно Давид Глајршер (+0,216) и Доминик Фишналер (+0,235).
Нико Глајршер (32,599) и Киндл (+0,012) беа на првите две позиции и на спринтот, каде што, подиумот го комплетираше Доминик Фишналер (+0,032).
Кај машкиот дубл, првите три места ги зазедоа Јаник Милер/Армин Фраушер (29,822), Мартинш Ботс/Робертс Плуме (+0,015) и Ханес Орламундер/Паул Константин Губитц (+0,036).
Во женските двојки се радуваа Селина Егле/Лара Михаела Кип (30,219), Андреа Фетер/Марион Оберхофер (+0,082) и Анда Упите/Санија Озолина (+0,113).
За крај, во поединечната женска конкуренција, најбрзи беа Маделен Егле (29,908), Емили Свини (+0,019) и Јулија Таубитц (+0,029).
