Во дуелот на ,,сè или ништо”, од последното коло на регуларната НФЛ сезона, Џексонвил Џагуарс ги поразија Тенеси Титанс со 20-16.
За ,,Јагуарите”, оваа победа значеше осигурување на шампионската круна на АФК Југ, како и прво учество во плејофот после 2017/18.
На натпреварот, после три четвртини, Титанс водеа со 10-16, но домаќините направија серија од 10-0 во последниот квартал за важен триумф.
За победничкиот состав, квотербекот Тревор Лоренс освои 212 јарди од 20/32 додавања, а по еден тачдаун имаа Кристијан Кирк и Џош Ален.
На спротивната страна, Чигозием Оконкво, заедно со шутерот Ренди Булок, се запиша во листата на поентерите, а Џошуа Добс имаше 179 уфрлени јарди од 20/29 прецизни обиди.
На табелата на Американската конференција, Џексонвил (9-8) ќе избие на четвртата позиција, додека Тенеси (7-10) остана на дванаесеттото место и ги загуби шансите за доигрување.
