Салават Јулаев Уфа одлично влезе во новата 2023 година со три победи на три одиграни натпревари.
Денес, ,,Зелените” го запишаа првиот меѓусебен триумф над Металург Магнитогорск по четирите врзани порази, совладувајќи го со 0-2.
Стрелци на двата погодоци беа Јегор Сучков во втората и Александер Хмелевски во третата третина.
Голманот на гостите, Андреј Карејев, дојде до третиот шут-аут во сезоната, одбранувајќи ги сите 28 противнички удари.
Во Источната конференција, Салават скокна на четвртото место, додека Металург остана на втората позиција.
