Во четиринаесеттото коло од тековната НФЛ сезона, Тенеси Титанс на лесен начин ги поразија Џексонвил Џагуарс со 20-0.
На мечот, ,,Титаните” постигнаа по еден полн тачдаун во непарните и по еден филд-гол во парните четвртини.
Шутерот Ренди Балок донесе вкупно осум поени, а тачдаун забележија Д’Онта Формен и квотербекот Рајан Тенехил.
Тенехил, освен положувањето со трчање, одигра и солидна додавачка партија со 191 освоен јард од 20/31 прецизни обиди.
На спротивната страна, првиот пик, Тревор Лоренс, префрли 221 јард од 24/40 додавања, но имаше и четири пресечени пасеви.
Играта во нападот на неговиот тим се базираше исклучиво низ воздухот што јасно се докажува со фактот дека ,,Јагуарите” имаа само 9 освоени јарди со пробивање.
Од дефанзивците на победничката екипа, по еден пас на Лоренс пресекоа Кристијан Фултон, Бастер Скрајн, Џејлон Браун и Рашон Еванс.
После тринаесет одиграни средби, Тенеси (12-4) го дели првото место во АФК со уште два ривали, додека Џексонвил (2-11) го држи самото дно.
Во соработка со НФЛ Македонија
