По четирите порази на последните пет меѓусебни пресметки, Детроит Тигерс успеаја да ги совладаат Њујорк Јенкис.
Имено, во првиот меч од синоќешната МЛБ програма, ,,Тигрите” ги поразија ривалите од Њујорк со 3-0.
За Јенкис, ова беше трета ,,нула” во сезоната после поразите од Балтимор Ориолс (5-0) и од Торонто Блу Џејс (0-3).
На мечот, Тигерс ги постигнаа своите поени во третиот и во осмиот ининг, откако по четири бази освоија Виктор Рејес, Роби Гросман и Џонатан Шуп.
Интересна беше ситуацијата во осмата деветтина, кога Мигел Кабрера (Детроит) го чекаше јубилејниот 3000. удар во МЛБ, но противниците намерно погрешија и му овозможија напредок без контакт со топката.
Од домашните навивачи почнаа да се слушаат навредливи скандирања, а веќе во следната акција, домаќините постигнаа два поени.
Во Американската лига, Јенкис (7-6) останаа на шестото место, додека Детроит (5-7) ја презеде дванаесеттата позиција.
