Филаделфија 76ерс (7-3) го загубија првото место во Источната конференција, барем за момент, откако го запишаа вториот пораз во низа.
Имено, 76ерс беа надиграни од Денвер Нагетс со 103-115, кои со четвртиот овосезонски триумф дојдоа до десеттото место на Западот (4-5).
Нагетс водеа во поголемиот дел од играта, а разликата достигна и до +22 во одреден момент во четвртата четвртина.
Србинот Никола Јокиќ забележа дабл-дабл учинок од 15 поени и 12 асистенции, а во неговиот состав, со 21 поен, најпрецизен беше Гери Херис.
Сепак, од сите кошаркари на теренот, најефикасен беше дебитантот Тајрис Макси со 39 постигнати поени.
📸 Mitchell Leff/Getty Images