Во својата дебитантска сезона во хокеарската Лига на шампиони, екипата на Регле ја освои првата европска круна.
Во синоќешното финале, претставниците на Шведска ги поразија хокеарите на Тапара Тампере со 2-1 пред речиси пет илјади гледачи во домашната ,,Катена Арена” во Енгелхолм (Шведска).
Двете екипи пружија изедначена игра на ледената плоча со по дваесет и четири упатени удари и на двете страни.
Сепак, од победничките редови, херој беше Даниел Заар, кој на првиот овосезонски меч во ЛШ ги постигна двата погодоци за својот тим.
Во третата третина, Тапара се врати во игра, откако Валтери Мерела го совлада Кристофер Рифалк за поставување на конечниот резултат.
Во плејоф-фазата, на патот до финалето, Регле помина преку Цирих, Спарта Прага и Фролунда, додека Тапара ги елиминира Вексјо, Руен и Минхен.
