Увертирата на четвртото коло од новата сезона на Премиер лигата донесе изненадувачки резултат.
Имено, после интересни случувања на теренот, Кристал Палас го порази градскиот ривал Тотенхем со 3-0.
Првото полувреме, Палас покажа подобра игра, но резултатот остана непроменет.
Во 53. минута, настана мала турканица на тревникот, после која Вилфред Заха и Џафет Танганга добија жолт картон, а само пет минути подоцна, фудбалерот на Тотенхем беше забележан од судијата Џонатан Мос уште еднаш и ги остави Спарс со десетмина на теренот.
Во 75. минута, гореспоменатиот Заха го постигна својот прв овосезонски погодок, носејќи им предност на домаќините, откако беше прецизен од белата точка.
Најновото засилување на Палас од редовите на Селтик, Одсон Едуар, влезе во игра во 84. минута, а само 26 секунди подоцна го запиша и дебитантскиот гол во дресот на лондонскиот клуб.
23-годишниот Французин го круниса своето деби со уште еден погодок во судиското продолжение (90+3′) и на тој начин го постави конечниот резултат.
За Кристал Палас, ова беше прв триумф во сезоната, доволен за единаесеттото место, додека Тотенхем и понатаму е прв,но со натпревар повеќе во однос на конкурентите.