Салават Јулаев Уфа останува единствениот тим од КХЛ со стопроцентен учинок после пет одиграни натпревари.
Имено, денес, ,,Зелените” ги поразија своите источни ривали, Нефтехимик Нижнекамск, со убедливи 5-1.
Веќе на стартот на третата третина, домаќините водеа со 5-0, откако мрежата на Франс Туохима ја затресоа Сакари Манинен (х2), Николај Кулемин, Григори Панин и Сергеј Шмелјов.
На неполни четири минути до крајот, Пјотр Хохрјаков (Уфа), поради физичка пресметка, доби дисциплинска казна, а играчката предност му овозможи на Нефтехимик, односно на Марат Хаирулин, да постигне почесен погодок.
На табелата на Источната конференција, Салават и понатаму го држи првото место, додека Нефтехимик ја зазема третата позиција.
