Во рамките на синоќешната НХЛ програма, Далас Старс ги декласираа Бафало Сабрес со убедливи 4-10.
За Старс, ова беше израмнување на клупскиот рекорд за најмногу постигнати голови на еден натпревар по преселувањето во Далас во 1993.
После две третини, гостите водеа со 2-5, а во интервал од три минути во третиот период забија уште четири погодоци.
За победничката екипа, во листата на стрелците се запишаа девет различни хокеари: Вајат Џонстон, Џоу Павелски, Џејми Бен, Јоел Кивиранта, Рајан Сутер, Јевгени Дадонов, Радек Факса (х2), Роопе Хинтц и Мејсон Марчмент.
Од друга страна, мрежата на Џејк Отингер ја затресоа Џордан Гринвеј, Кајл Окпосо, Џеф Скинер и Виктор Олофсон.
Во Западната конференција, Далас го зазема третото место, додека Бафало е дванаесетти на Истокот.
