Во деветнаесеттото коло од НРЛ, Бризбејн Бронкос ги надиграа Парамата Илс со резултат од 14-36.
За ,,Ждребињата”, ова беше прва меѓусебна победа после петте порази во низа и воедно прв меѓусебен триумф на гостински терен после 2016.
Парамата влезе во дуелот на подобар начин, но со серијата од 20-0, Бронкос ја презедоа предноста во свои раце и ја задржаа до самиот крај.
Кај Илс, Митчел Мосес погоди една конверзија, а положувања имаа Маика Сиво (4′, 52′) и Вака Блејк (37′).
Кај победниците, најдобар беше Адам Рејнолдс со еден есеј (69′) и со 6/6 конвертирања, а во листата на поентерите се запишаа уште Кори Оутс (10′, 41′), Пејн Хаас (19′), Џордан Рики (22′) и Курт Кејпвел (32′).
На табелата, Бризбејн скокна на четвртото место, спуштајќи ја Парамата на шестата позиција.
