На Божиќ, во рамките на шеснаесеттото коло од тековната НФЛ сезона, Грин Беј Пекерс ги совладаа Кливленд Браунс со 24-22.
Притоа, тренерот на домаќините, Мет ЛеФлер, стана првиот тренер во историјата на НФЛ, кој запишал по 12+ победи во секоја од првите три сезони како главен стратег на некој од клубовите.
Квотербекот на Пекерс, Арон Роџерс, освои 202 јарди од 24/34 комплетирања и испиша историја.
Имено, во клупските анали, Роџерс го претекна легендарниот Брет Фавр, додавајќи го својот 443. тачдаун во дресот на Грин Беј, а притоа ја постави и рекордната конекција со Деванте Адамс со 66 заеднички тачдауни.
Од трите постигнати полагања, Адамс беше ,,автор” на две, додека еднаш, во листата на поентерите, се запиша и Ален Лазард.
Од друга страна, Бејкер Мејфилд, иако имаше 222 јарди од 21/36 обиди и 2 тачдауни, сепак потфрли со четирите пресечени додавања, кои завршија во рацете на Расул Даглас (х2), на Дарнел Севиџ и на Чендон Саливен.
Кај Кливленд, тркачот Ник Чаб истрча 126 јарди и го постигна првиот тачдаун на натпреварот, а по еднаш, топката во противничката енд-зона ја внесоа Ентони Шварц и Херисон Брајант.
Во НФК, Пекерс (12-3) се првопласирани со загарантирано учество во плејофот, додека Кливленд (6-7) падна на тринаесеттото место во Американската конференција.
Во соработка со НФЛ Македонија
