Милвоки Бакс синоќа го запишаа осмиот триумф во низа, откако ги совладаа Бостон Селтикс со 121-119.
Речиси во целиот тек на мечот, Бакс имаа двоцифрена предност, освен во завршните минути, кога Бостон го покажа својот квалитет.
Накрај, Селтикс имаа шут за победа во последната секунда, но Даниел Тајс беше непрецизен од линијата за три поени.
Накрај, како најефикасен на мечот се испостави Крис Мидлтон (Милвоки) со дабл-дабл учинок од 27 поени и од 13 скокови.
Исто така и најкорисниот играч на Бостон, Џејлен Браун, имаше две двоцифрени статистики, односно 24 поени и 10 скокови.
На табелата на Источната конференција, Милвоки (29-14) дојде до второто место, додека Бостон (21-23) падна на осмата позиција.
📸 Gary Dineen/NBAE via Getty Images
