На последните три меѓусебни пресметки, Бостон Бруинс запишаа три победи над Филаделфија Флаерс со гол-разлика од 14-1.
Синоќа, претставниците на Масачусетс триумфираа во првиот меч од понеделничката програма со убедливи 6-0.
Домаќините, за да дојдат до конечниот резултат, постигнаа по два гола во сите третини, а голманот Џереми Свејман го освои вториот овосезонски шут-аут со 29/29 одбрани.
Од неговите соиграчи, двапати реализираа Давид Пастрнак и Павел Заха, а по еднаш погодија Бред Маршан и Мет Грзелсик.
Во Источната конференција, Бруинс останаа на лидерската позиција, додека Филаделфија го зазема тринаесеттото место.
