Синоќа започна новата сезона на ирската фудбалска Премиер дивизија, а во првиот натпреварувачки ден беа одиграни четири мечеви.
Од сите осум тимови, единствениот што успеа да дојде до победа беше Бохемианс, кој триумфираше на гостувањето кај новиот прволигаш, Корк Сити, со 1-2.
Претставниците на Даблин постигнаа по еден гол и во двете полувремиња, а успешно реализираа Грант Хортон (19′) и Џордан Флорес (52′).
Во самиот финиш, конечниот резултат го постави Руери Китинг (81′), кој го даде првиот прволигашки погодок на својот тим после 2020.
Останатите резултати од првото коло гласеа:
Дандалк 1-1 УК Даблин
Шелбурн 0-0 Дрогеда Јунајтед
Ст. Патрик’с 1-1 Дери Сити
Слајго Роверс – Шамрок Роверс (сабота 20.45)
