Автомобилист Екатеринбург ја загуби шансата да се бори за првото место во Источната конференција, откако денес претрпе пораз од Адмирал Владивосток од 3-1.
За Адмирал, овој триумф значеше останување на седмото место и обезбедено учество во плејофот, додека Автомобилист остана на втората позиција.
После две третини, домаќините водеа со 2-0, благодарение на головите на Дмитри Сидлјаров и на Николај Чебикин.
На неполни шест минути пред крајот, Брукс Мајсек намали на 1-2, а конечниот резултат, на празна мрежа во последната минута, го постави Рудолф Червени.
За претставниците на крајниот Исток, ова беше прв меѓусебен домашен триумф после седум години, а во него, важна алка беше и голманот Никита Серебрјаков со 34/35 одбрани (97,14%).
