Во петочниот термин од дваесет и осмото коло на Чемпионшип, Барнли го совлада ВБА со 2-1.
После првото полувреме, гостите од Вест Бромвич водеа со 0-1, откако прецизно со глава биеше Дарнел Фурлонг (7′).
Нападите на Барнли вродија со плод дури во финишот на мечот, кога Нејтан Теља (75′) израмни на 1-1, а резервистот од клупата, Скот Твајн (87′), со ремек-дело од слободен удар го комплетираше пресвртот на популарните ,,Кларетс”.
Со осмата победа по ред, избраниците на Винсент Компани останаа на првото место со огромни деветнаесет бодови предност во однос на третопласираниот Вотфорд.
Од друга страна, ВБА остана на шестата позиција, но има натпревар повеќе во однос на конкурентите.
