Новата сезона во англискиот фудбал беше отворена синоќа, кога во првото коло од Чемпионшип се соочија Хадерсфилд и Барнли.
Имено, во новата кампања со три поени влезе составот на Барнли, кој го порази Хадерсфилд со минимални 0-1.
Стрелец на единствениот погодок беше Иан Маатсен (18′), кој погоди на дебито во својата нова средина.
Иако резултатот наговестува неизвесност, сепак Барнли беше тимот, кој имаше потполна доминација, особено во првото полувреме.
Момците на Винсент Компани изгледаа супериорно на теренот и имаа бројни шанси за постигнување најмалку уште два погодока.
Од друга страна, Хадерсфилд го одигра најлошиот свој натпревар во последните години, што е сепак за очекување, после заминувањето на тренерот Карлос Корберан и на два клучни играчи – Луис О’Брајан и Хари Тофоло.
