По еднаш во сезоната од НХЛ се одржува популарниот ,,Херитеџ Класик”, односно меч одигран под отворено небо.
Оваа година, на ,,Тим Хортонс Филд” во Хамилтон (Канада), екипата на Бафало Сабрес ги порази Торонто Мејпл Лифс со 5-2.
Во втората третина, претставниците на Канада поведоа во два наврати преку Ондреј Касе и преку Остон Метјус.
Во истиот период, Бафало успеа да израмни двапати со головите на Пејтон Кребс и на Вини Хиностроза.
Завршните дваесет минути поминаа целосно во знакот на Сабрес, за кои, освен Кребс и Хиностроза по вторпат на мечот, во листата на стрелците се запиша и Тејџ Томпсон.
Во Источната конференција, Торонто падна на петтото место, додека Бафало скокна на тринаесеттата позиција.
