По шести пат во низа во градското дерби, Бруклин Нетс ги поразија Њујорк Никс, откако синоќа славеа со 110-107.
Нетс фуриозно влегоа во натпреварот, но од втората четвртина, па сè до самиот крај, ниедна екипа не успеа да поведе со двоцифрена разлика.
Третата последователна победа на номиналните домаќини им ја донесе фантастичниот Кевин Дурент, кој постигна 53 кошеви, а дабл-дабл запиша Андре Драмонд (18 поени и 10 скокови).
На спротивната страна, со 26, со 25 и со 24 поени, најрасположени во нападот беа Џулиус Рендл, Еван Фурние и Ар Џеј Берет.
Во Источната конференција, Бруклин (35-33) скокна на осмото место, а Њујорк (28-40) остана на дванаесеттата позиција.
