Бафало Билс демонстрираа сила во завршниот термин од второто коло на НФЛ и ја запишаа втората врзана победа.
На домашниот ,,Хајмарк Стадиум”, екипата на Бафало беше убедлива против Тенеси Титанс и славеше со 41-7.
Натпреварот почна добро за нападите и на двете екипи, откако постигнаа по еден тачдаун со првиот посед, но до крајот, Билс потполно ја имаа контролата во свои раце.
Убиствено за одбраната на Тенеси беше дуото составено од квотербекот Џош Ален (26/38 додавања за 317 јарди и 4 уфрлени тачдауни) и од фаќачот Стефон Дигс (148 јарди и 3 тачдауни), а топката во противничката енд-зона ја внесоа уште Реџи Џилијам и Мет Милано (пик-6).
Во вториот пораз на Тенеси, единствена светла точка беше тркачот Дерик Хенри, кој имаше еден тачдаун и скромни 25 освоени јарди.
