За првпат во историјата на Светскиот куп во ски скокови во женска конкуренција беше одржано натпреварување во супер тимови.
Станува збор за денешната трка во Зао (Јапонија), каде што, по две натпреварувачки од секоја репрезентација имаа по три скокови.
Накрај, историски триумф на Австрија и’ донесоа Ева Пинкелних и Кјара Кројцер.
Зад нив, на второто место заврши Норвешка (Теа Минјан Бјорнсет и Ана Одине Стром), а третата позиција ја освои Германија, односно Катарина Алтхаус и Зелина Фрајтаг.
Со еден поен заостаток зад пиедесталот заврши Канада (Александрија Лути и Абигејл Стрејт), а во топ 5 се пласираше и Словенија (Ема Клинец и Ника Крижнар).
https://www.instagram.com/reel/CnZCENOhT7q/?igshid=YmMyMTA2M2Y=