Аризона Којотес ги загубија сите шанси за пласман во плејофот со синоќешниот пораз од 3-1 од Колорадо Аваланш.
,,Којотите” останаа на тринаесеттото место на Западната конференција, додека, со новите бодови, Колорадо скокна на петтата позиција.
Во првата третина, Нејтан МекКинон им донесе водство на домаќините, а Клејтон Келер израмни во корист на гостите.
Сепак, во третиот период, Кејл Макар и Џеј Ти Комфер уште двапати ја затресоа мрежата на Карел Вејмелка и им донесоа триумф на актуелните шампиони.
