Во првиот меѓусебен натпревар во тест крикет на азиско тло после седум години, Англија го порази Пакистан со 579 & 268 – 657 & 264/7п. (847-921).
Англија, уште во првиот ден, ја најави својата доминација, кога сруши неколку рекорди:
- Најмногу тест поени во прв ден на еден натпревар (507)
- Четири ,,стотки” во прв ден на еден меч во тест крикет за првпат во историјата
- Најмногу поени во првата сесија од првиот ден на тест меч (174)
- Најбрза ,,двестотка” во историјата на тест крикет
- Најбрза ,,стотка” во тест крикет за било кој англиски прв удирач (Зек Кроули, 86 топки)
- Трета најбрза тест ,,стотка” во историјата на Англија (Хари Брук, 80 топки)
- Први ,,стотки” во тест крикет (Бен Дакет и Хари Брук)
Во продолжение, Пакистан покажа ,,заби” во нивниот прв ининг со ,,стотките” на Бабар Азам (136), на Имам-ул-Хак (121) и на Абдулах Шафик (114).
Вториот англиски ининг не беше ништо повеќе од просечен за европската селекција, која го препушти мечот во рацете на фрлачите.
Имено, во четвртиот период, херои за Англија беа Оли Робинсон (4-50) и Џејми Андерсон (4-36), завршувајќи го натпреварот во полза на гостите во последните мигови пред да биде прогласено реми.
