Тековната КХЛ сезона во себе вклучува десет дербија на далечниот Исток во регуларниот дел помеѓу Амур Хабаровск и Адмирал Владивосток.
Првите две средби ги добија хокеарите на Амур, после кои следуваа три триумфи на Адмирал.
Сепак, ,,Тигрите” успеаја да се вратат и да слават на наредните три дуели, вклучувајќи го и денешниот, осми сезонава, кој го добија со минимални 0-1.
Реализатор на единствениот погодок беше Владислав Барулин во втората третина, кој се запиша во листата на стрелците по седми пат во 2022/23.
Сепак, неговиот перформанс падна во сенка на голманот Јевгени Аликин, кој имаше 40/40 одбранети шутеви за петтиот овосезонски шут-аут.
Исто така, за Русинот, ова беше шеесет и петта победа во дресот на клубот од Хабаровск што претставува нов клупски голмански рекорд што претходно беше во посед на Јуха Метсола (64).
Во Источната конференција, Амур влезе во плејоф-зоната на осмата позиција, додека Адмирал се наоѓа на седмото место.
https://www.instagram.com/reel/CnrBn_Uh_iZ/?igshid=YmMyMTA2M2Y=
