Актуелните вицешампиони на АФЛ, Вестерн Булдогс, во рамките на осмото коло, ги разочараа своите навивачи, запишувајќи го петтиот пораз во сезоната.
Имено, Булдогс загубија со (12.14) 86-69 (10.9) на гостувањето кај Порт Аделаид Пауер, кои го остварија третиот врзан триумф.
Во првото полувреме, двете екипи пружија неизвесна претстава, но домаќините ја стекнаа клучната предност во третата четвртина, добиена со 34-14.
Кај Пауер, најефикасен беше Џереми Финлејсон (3.1), а по тринаесет поени запишаа Сем Пауел-Пепер (2.1), Тод Маршал (2.1) и Роби Греј (2.1).
На спротивната страна, два гола имаше Бејли Смит (2.1), а најрасположен во нападот на целиот терен беше Арон Нотон (4.2).
На табелата, двете екипи се израмнија со по дванаесет бодови, заземајќи ги десеттото и единаесеттото место.
