Актуелните шампиони на НРЛ, Пенрит Пантерс, ја започнаа новата сезона со осум победи во низа.
Сепак, триумфалната серија беше прекината во деветтото коло од страна на Парамата Илс, кои славеа со 20-22.
После првото полувреме, резултатот гласеше 10-10, а во вториот дел, во интервал од три минути, Парамата направи серија од 12-0, доволна за конечно славје.
Херојот од сите претходни мечеви на Пантерс, Нејтан Клери, беше најголем трагичар на денешната средба поради промашените две конверзии и еден дроп-шут за израмнување во последната минута.
Од неговите соиграчи, во листата на поентерите се запишаа Дилан Едвардс (4′), Тејлан Меј (38′, 53′) и Спенсер Лениу (37′).
Од редовите на Илс, задолжен за шутевите беше Митчел Мосес (3/4), а по еден есеј постигнаа Клинтон Гатерсон (15′), Рид Махоуни (26′), Рајан Матерсон (66′) и Дилан Браун (69′).
На табелата, со натпревар повеќе во однос на конкурентите, Пенрит остана на првото место, додека Парамата скокна на третата позиција.
